Sož: «Тузін лепшых песень з перарэзаным горлам»

Гурт Sož падвёў вынікі 2020 — 2022 гадоў міні-альбомам Apošnija Tancory  

 Фота Анастасія Дарашэнка.

Беларуская сцэна існуе ў фармаце “антышоўбізу”. Гастролькі, клубы, якіх усё меней, апошнія культурніцкія магікане-журналісты і адчайныя гастролі ў падполлі ці эмігранцкім асяродку.

Гомельскія нефармалы сярэдняга пакалення запісалі міні-альбом — "тузін лепшых песень з перарэзаным горлам".

Імёны музыкаў мала што скажуць тым з вас, хто не з Гомеля, але калі вы з Гомеля — лёгка пазнаеце іх на фота. Выхадцы з розных музычных тусовак працягваюць рабіць разам, сёння гэта электра-пост-панк па-беларуску.

Гурт «Sož» распавёў пра свой альбом «Apošnija Tancory»:

«Мы пачалі працу над міні-альбомам у 2020 годзе, пазней паставілі яго на паўзу, бо словы і песні згубілі змест для нас тады. Замест яго мы выдалі відэа Malako (рэжысёр – частка нашай камьюніці Al Medwedsky, ён жа зрабіў цудоўны рэмікс), у якім сказалі ўсё, што хацелі і змаглі пра #2020. А пазней былі два гады мутарнага пошуку сябе і аранжыровак. Нарэшце мы дарабілі ўсю працу — і нам вельмі падабаецца вынік».

Да канца 2022 года ў сеціве з’явіцца кліп на песню Stotis (рэжысёр – Варфаламей Курага). Спадзяемся, што гэтыя песні дададуць троху святла ў Каляды-2022.

У 2023 гурт плануе выступіць у Варшаве 25-га сакавіка.

Слухаць альбом на ўсіх стрымінгавых пляцоўках: onerpm.link

Паводле прэс-рэлізу