Што можна і што нельга рабіць на Божае Нараджэнне
Добрая прыкмета на Каляды — калі госці ў дом першымі ўвойдуць двое мужчын. Гэта азначае, што цягам года ў сям'і не будзе сварак. Калі ж першай у хату ўваходзіць жанчына, то гэтая прымета не цешыць.
Фота euroradio.fm
У дзень Божага Нараджэння, 7 студзеня, усе вернікі ўспамінаюць найвялікшы цуд — нараджэнне Ісуса Хрыста. Яны збіраюцца ў храмах, дзе праходзяць святочныя набажэнствы. Таксама 7 студзеня ўсе імкнуцца наведаць родных і блізкіх, каб падзяліць з імі ежу, піша segodnya.ua.
Існуе нават традыцыя хадзіць у госці. Добрая прыкмета — калі ў дом першымі ўвойдзе двое мужчын. Гэта азначае, што цягам года ў сям'і не будзе сварак. Калі ж першай у хату ўваходзіць жанчына, то гэтая прымета не цешыць: мяркуецца, што гэта да няшчасцяў і хвароб.
Пачынаюцца Каляды, якія працягнуцца аж да 18 студзеня. У гэты перыяд людзі стараліся весяліцца, ладзілі гулянні, спраўлялі вяселлі. Таксама, паводле павер'яў і прымет, менавіта 7 студзеня пачынаюцца сапраўдныя калядныя маразы.
Народныя прыкметы 7 студзеня
Калі на Каляды адліга, значыць, трэба чакаць цёплую і раннюю вясну. Калі на Каляды, 7 студзеня, удараюць маразы, то гэтак жа холадна будзе і на Вадохрышча. Можа нават пачацца моцная завіруха.
Калі на свята Божага Нараджэння котка сценкі дзярэ, значыць, зусім хутка надвор'е сапсуецца. Калі ж котка скруцілася ў клубок, трэба чакаць моцных маразоў.
Высокія гурбы 7 студзеня прадказваюць добры год.
Адліга ў дзень Божага Нараджэння прадвесціць раннюю і цёплую вясну.
Ясны месяц на небе — чакай моцных маразоў.
Згуляць вяселле 7 студзеня — на шчасце ў шлюбе.
Калі на дварэ разгулялася мяцеліца — быць ранняй вясне.
Нельга ўжываць спіртное на свята Божага Нараджэння — прап'еш увесь летні ўраджай.
Паводле прыметы 7 студзеня, глава сям'і ў гэты дзень павінен заставацца дома — каб статак не згубіць.
Калі на свята Божага Нараджэння, гледзячы на неба, памаліцца і загадаць жаданне, яно абавязкова збудзецца.
Калі Каляды прыпадаюць на маладзік — гэта абяцае неўраджай. Зорнае неба, наадварот, абяцае добры ўраджай бабовых культур. У гэты дзень нельга хадзіць на рыбалку і ў лес, каб не трывожыць вадзянікоў, русалак і лесавікоў, якія адзначаюць свята.
Нельга 7 студзеня лаяцца, працаваць, пераязджаць на новае месца, рэзаць жывёлу і думаць пра штосьці дрэннае.