«Вораг прыйдзе на мой парог». Ганна Севярынец апублікавала новы верш

Пісьменніца і педагог Ганна Севярынец напісала новы верш і выклала яго на сваёй старонцы ў фэйсбуку.

КатА свайго я заву — Кот.

КАта свайго я заву — Кат.

Рабскае племя заву — Скот.

Брата свайго я заву — Брат.

Колькі прыдумана намі слоў,

Накручана сэнсаў і пад, і на,

Але любоў — гэта проста любоў,

А калі вайна — то гэта вайна.

Вораг прыйдзе на мой парог,

Свет ягоны завецца — цьма.

А я свайго Бога заву — Бог,

Іншых імён у яго няма.