Былую зорку АНТ асудзілі на 13 дзён

Дзмітрыя Семчанку арыштавалі за распаўсюд «экстрэмісцкіх матэрыялаў».
Былога тэлевядоўцу і экс-кіраўніка прэзідэнцкага пула на АНТ Дзмітрыя Семчанку разам з жонкай затрымалі 15 верасня ў Мінску. Юлію пазней адпусцілі, а Дзмітрыя пакінулі за кратамі да суда.

Праз дзень мужчыну арыштавалі на 15 сутак паводле арт. 19.1 КаАП (дробнае хуліганства), а Юліі прызначылі штраф у памеры 960 рублёў (30 базавых велічыняў) за рэпосты з «экстрэмісцкіх» каналаў. Пасля «сутак» на волю Дзмітрый так і не выйшаў.

Юлія Семчанка напісала ў сацсетках 15 верасня: «Нас сёння з Дзімам затрымалі. Я ўжо дома і без сувязі, тэлефон забралі, заўтра ў мяне суд па адміністрацыйным артыкуле за рэпост. Дзіму не адпусцілі».

За што менавіта затрымалі Дзмітрыя Семчанку, пакуль невядома.

Дзмітрый Семчанка сышоў з тэлеканала АНТ пасля жорсткіх разгонаў акцый у жніўні 2020 года. 10 верасня таго ж года да яго прыйшла міліцыя. На наступны дзень яго асудзілі за ўдзел у пратэсным маршы 16 жніўня — у той час журналіст яшчэ працаваў на дзяржканале. За гэта суд прызначыў яму 15 сутак арышту.

Пасля звальнення з дзяржаўнага тэлеканала Дзмітрый Семчанка працаваў у PR-сферы.


Таксама нядаўна ў кампанію «Белагра» прыйшлі сілавікі. Там працаваў Дзмітрый Семчанка.

«Белагра» займалася пастаўкамі, продажам і сервісам сельскагаспадарчай тэхнікі. Кампанія была афіцыйным дылерам і займалася прамымі пастаўкамі тэхнікі і запчастак з заводаў МАЗ, МТЗ, Алмаз, Амкадор і многіх іншых.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: