Крынж дня. Губазікі прымусілі зубачысткай сцерці бчб-сцяг з малюнка
Здзекуюцца як могуць. Гэтым разам прымусілі выправіць наш сцяг на белы.
У адным з прарэжымных тэлеграм-каналаў з’явілася «пакаяльнае» відэа з вядучым інжынерам па абароне інфармацыі кампаніі «Parimatch» (так ён сам сябе называе).
Як вынікае з відэа, у 2020 годзе мужчына ўдзельнічаў у акцыях пратэсту, а таксама адміністраваў дваровы чат. Імаверна, гаворка пра адзін з дваровых чатаў Кастрычніцкага раёна Мінска.
«У выніку, на знак капітуляцыі, вырашыў выправіць свой бчб-шны сцяг на белы. І не толькі на карціне», — гаворыцца ў паведамленні канала.