Кіеўскі мэр Віталь Клічко ў выпадку расійскай агрэсіі паабяцаў узяць аўтамат у рукі і пайсці ваяваць за Украіну

У эфіры тэлеканала «Украіна 24» мэр Кіева Віталь Клічко заявіў, што гатовы ісці і ваяваць за Украіну, калі нельга пазбегнуць канфлікту з Расіяй. Запіс праграмы «Свабода слова з Савікам Шустэрам» ёсць на YouTube, піша lenta.ru.

«Калі пачнецца ваенная агрэсія, я як былы салдат вазьму аўтамат у рукі і пайду ваяваць за Украіну», — паабяцаў мэр Кіева. Такім чынам ён адказаў дэпутату Вярхоўнай Рады ад партыі «Апазіцыйная платформа — за жыццё» Наталлі Каралеўскай.

Раней Клічко заявіў аб неабходнасці даць мэрам гарадоў Украіны план дзеянняў, калі будуць уводзіць рэжым НС. «Ніхто не хоча крыві, ніхто не хоча супрацьстаяння. Але ёсць добрая прыказка: «Хочаш міру — рыхтуйся да вайны», — сказаў ён.

Аб тым, што Кіеў рыхтуецца да нападу расійскай арміі на Украіну, Клічко заяўляе з 2021 года. У канцы снежня ён аб'яўляў аб падрыхтоўцы гараджан да магчымай НС і арганізацыі грамадзянскай абароны з наборам рэзервістаў.