Пакласці канец гвалту і рэпрэсіям — Высновы Еўрасавета ў дачыненні да Беларусі

Палітыка

1 кастрычніка 2020 года Еўрапейскі савет прыняў дакумент, які змяшчае ў тым ліку высновы ў дачыненні да сітуацыі ў Беларусі.

1200px_council_of_the_eu_and_european_council.svg__0.png


  • Еўрапейскі савет асуджае непрымальны гвалт з боку беларускіх уладаў супраць мірных дэманстрантаў, а таксама запалохванне, адвольныя арышты і затрыманні пасля прэзідэнцкіх выбараў, вынікі якіх ён не прызнае.

  • Еўрапейскі савет цалкам падтрымлівае дэмакратычнае права беларускага народа абраць свайго прэзідэнта шляхам новых свабодных і справядлівых выбараў без вонкавага ўмяшальніцтва.

  • Еўрапейскі савет заклікае ўлады Беларусі пакласці канец гвалту і рэпрэсіям, вызваліць усіх затрыманых і палітычных зняволеных, паважаць свабоду СМІ і грамадзянскую супольнасць і пачаць усёабдымны нацыянальны дыялог.

  • Еўрапейскі савет згодны з неабходнасцю ўвядзення абмежавальных мер і заклікае Савет [па замежных справах] неадкладна прыняць адпаведнае рашэнне.

  • Еўрапейскі савет таксама заклікае Еўрапейскую камісію падрыхтаваць комплексны план эканамічнай падтрымкі дэмакратычнай Беларусі.

  • Што тычыцца Беларускай атамнай электрастанцыі ў Астраўцы, Еўрапейскі савет зноў падкрэслівае важнасць забеспячэння ядзернай і экалагічнай бяспекі.

Паводле прэс-службы Прадстаўніцтва Еўрапейскага саюза ў Беларусі