«Reuters»: Макей можа трапіць пад санкцыі Еўрасаюза

Міністры замежных спраў Еўрасаюза 18 кастрычніка абмяркоўвалі новыя эканамічныя санкцыі ў дачыненні да Беларусі, у тым ліку да авіякампаній, каб спыніць «наўмысную палітыку Мінска па перапраўцы тысячы мігрантаў да мяжы ЕС», паведамляе «Радыё Свабода».

Пра тое, што міністр замежных спраў Беларусі Уладзімір Макей можа трапіць пад санкцыі Еўрасаюза, паведамляе агенцтва «Reuters», у прыватнасці адзначаючы:
«ЕС таксама рыхтуе новы пакет санкцый у дачыненні да асоб з Беларусі, які можа ўключаць міністра замежных спраў за яго ролю ў кампаніі спрыяння нелегальнай міграцыі ў ЕС».
Як паведамлялася раней, пяты «пакет» санкцый Еўрасаюз можа прыняць да канца лістапада.