Стала вядома, якія тры беларускія банкі адключаць ад SWIFT

Еўрапейская камісія падрыхтавала новы пакет санкцый супраць Расіі і Беларусі ў сувязі з уварваннем ва Украіну. Пра гэта паведамляе карэспандэнт «Свабоды» ў Брусэлі Рыкард Юзвяк.

Ён называе тры банкі, якія трапяць пад санкцыі — «Белаграпрамбанк», банк «Дабрабыт» і беларускі «Банк развіцця».

Санкцыі закрыюць тром беларускім банкам доступ да сістэмы SWIFT, паведамляе беларускае радыё, прызнанае ў Беларусі «экстрэмісцкім». Таксама ЕС плануе дадаць у свой «чорны спіс» некалькіх алігархаў і расійскіх дэпутатаў.

Новы пакет санкцый таксама прадугледжвае забарону на экспарт марскіх тэхналогій з ЕС у Расію і дае рэкамэндацыі па маніторынгу крыптавалют, каб пазбегнуць іх выкарыстаныня для абыходу санкцый ЕС, паведамляе «Reuters».