Дзеці і дарослыя ў Грузіі прасілі закрыць неба над Украінай

У грузінскім Батумі ўчора прайшла акцыя пад назвай «Закрыйце неба над Марыупалем».

Шматмятровы сцяг Украіны пранеслі ад плошчы Еўропы да летняга амфітэатра, дзе адбыўся імправізаваны мітынг. Удзельнікі акцыі падсвяцілі лампадкамі надпіс «Close the sky above Ukraine» і накрылі яго сцягам.
Пасля акцыі дзеці размалявалі крэйдай прастору ля летняга амфітэатра. Пад мірным небам Батумі яны зрабілі вялікі надпіс «ДЕТИ» – такі быў ля драматычнага тэатра ў Марыупалі, дзе жанчыны і дзеці хаваліся ад расейскіх абстрэлаў, а расейцы нанеслі авіяўдар 16 сакавіка. У марыупальскім тэатры, паводле папярэдніх звестак, загінула каля 300 чалавек.