ФСБ: У Расіі рыхтавалі тэракты з удзелам смяротнікаў у святы і перад выбарамі прэзідэнта

ФСБ Расіі спыніла дзейнасць тэрарыстычнай групоўкі, якая складаецца з выхадцаў з краін Цэнтральнай Азіі, якія планавалі тэракты, у тым ліку з удзелам смяротнікаў, падчас навагодніх святаў і перад выбарамі прэзідэнта РФ. 

Пра гэта паведаміў у аўторак дырэктар ФСБ Аляксандр Бортнікаў.

«Напярэдадні ў Маскоўскім рэгіёне ў выніку спецаперацыі ФСБ спынена дзейнасць групы выхадцаў з Цэнтральнай Азіі, якія планавалі здзяйсненне тэрарыстычных актаў, у тым ліку з удзелам смяротнікаў, падчас навагодніх святаў і ў перыяд кампаніі па выбарах прэзідэнта РФ», — сказаў ён на выніковым пасяджэнні НАК .

У тэрарыстаў канфіскаваныя самаробныя выбуховыя прылады, агнястрэльную зброю і боепрыпасы, ліквідаваная лабараторыя па вырабе сродкаў тэрору, адзначыў Бортнікаў.

Паводле яго слоў, з 9 па 11 снежня ліквідаваныя дзве заканспіраваныя тэрарыстычныя групы, кіраўніцтва якімі ажыццяўлялася з-за мяжы верхаводамі тэрарыстычнай групоўкі «Ісламская дзяржава», яшчэ адна ячэйка была ліквідаваная ў Стаўрапалі.

Паводле tut.by