Еўрапарламент: «Януковіч — нелегітымны прэзідэнт. Санкцыі патрэбныя неадкладна, час прэс-рэлізаў прайшоў»

Старшыня Камітэта па замежных справах Еўрапейскага Парламента Элмар Брок заклікаў ЕС ўвесці санкцыі супраць прадстаўнікоў рэжыму Януковіча.



"Санкцыі павінны быць уведзены цяпер. Наступіў той час, пра які мы так шмат гаварылі. Час прэс-рэлізаў скончыўся", - сказаў ён на прэс-канферэнцыі пасля надзвычайнага пасяджэння групы Еўрапейскай народнай партыі ў Брусэлі. 
"Мы не заклікаем ўводзіць санкцыі супраць Украіны, мы заклікаем ўвесці санкцыі супраць прадстаўнікоў улады, вінаватых у гвалце ў Кіеве. Гэта павінна быць забарона на ўезд і замарожванне банкаўскіх рахункаў", - падкрэсліў Элмар Брок.
Ён дадаў, што "Януковіч не разбурыць будучыню свабоднай Украіны".
"Час рэзалюцый і прэс-рэлізаў мінуў. Мы павінны неадкладна ўвесці санкцыі супраць прадстаўнікоў рэжыму Януковіча", - заявіў у сваю чаргу член Камітэта Хасэ Ігнасіо Салафранка.
"Украінцы даўно стаміліся ад нашых слоў. Нам трэба было ўводзіць санкцыі раней, тады яны мелі б большы эфект. Мы павінны нарэшце гэта зрабіць" , - сказаў віцэ-прэзідэнт Еўрапейскай народнай партыі Яцэк Зарыюш Вольскі.
Ён таксама падкрэсліў, што ўлада Януковіча страціла сваю легітымнасьць і заклікаў правесці выбары ва Украіне.
censor.net.ua