Юрый Дудзь паспрабаваў аспрэчыць у судзе свой статус «замежнага агента». Што атрымалася

Ляфортаўскі суд Масквы разгледзеў пазоў расійскага журналіста Юрыя Дудзя да Мінюста РФ, у якім ён аспрэчваў уключэнне ў спіс СМІ — «замежных агентаў.

У пазове Дудзь прасіў прызнаць незаконным ненакіраванне яму паведамлення аб уключэнні ў рэестр, а таксама настойваў на незаконнасці самога рашэння і прасіў адмяніць яго.

У ходзе пасяджэння стала вядома, што журналіста прызналі «замежным агентам» за цытаванне ў інтэрв'ю з Аляксандрам Гардонам, Цімай Беларускіх і Кацярынай Гардзеевай матэрыялаў «Медузы» і The Insider, прызнаных «замежнымі агентамі», пры наяўнасці замежнага фінансавання — атрымання грошай за рэкламу ад YouTube.

У выніку суд адхіліў пазоў блогера.

Юрыя Дудзя прызналі СМІ — «замежным агентам» 15 красавіка разам з палітолагам Кацярынай Шульман, галоўным рэдактарам выдання The Insider Раманам Дабрахотавым і іншымі. Пазоў да Мінюсту з мэтай аспрэчыць статус Дудзь падаў у пачатку чэрвеня.

На канец чэрвеня 2022 года ў рэестр СМІ — «замежных агентаў» уключаны ў Расіі 167 чалавек і арганізацый.

Паводле «Медузы».