Кабмін Украіны сышоў у адстаўку
Пасля таго, як у парламенце распалася кіруючая кааліцыя прэм'ер-міністр Украіны Арсеній Яцанюк падаў у адстаўку. Пра гэта ён заявіў з трыбуны Вярхоўнай Рады.
«Гэты ўрад не самы лепшы, які быў ва Украіне. Спадзяюся, у будучыні будзе лепей... Але гэты ўрад рабіў усё, што было ў яго сілах», — сказаў ён.
«Тое, што адбылося сёння ў зале ВР, будзе мець драматычныя наступствы для краіны. Дай Бог, каб я
памыліўся. Мы таксама хочам датэрміновых парламенцкіх выбараў. У чым розніца паміж нацыянальным лідэрам і палітыканам? Нацыянальны лідэр бярэ на сябе адказнасць за сітуацыю, нават калі гэта нікому не
падабаецца», — адзначыў ён.
«Я не ведаю, чым заўтра плаціць заробкі, чым заправіць БТР, чым заплаціць людзям, чые родныя
загінулі, на што ўтрымліваць Узброеныя сілы, не тых, хто сядзіць у гэтай зале, а там, у траншэях», — сказаў Яцанюк.
«Развал кааліцыі мае наступствы — закон аб зменах у дзяржбюджэт правалены. І гэта зразумела: хто, збіраючыся на выбары,
будзе галасаваць за непапулярныя рашэнні?.. Ад гэтага выйграла Дзярждума РФ, дзе такое рашэнне сустрэлі апладысментамі. Гісторыя нам гэтага не даруе, але я веру, што гэтыя выпрабаванні наша краіна
пройдзе... Тое, што сёння не прынята рашэнне — гэта
недапушчальна. У гэтай сітуацыі якія ёсць варыянты ва ўрада? Першае: прэм'ер можа пачаць працэс фарміравання новай кааліцыі. Але для гэтага трэба ўзяць у кааліцыю ПР і КПУ. Я гэтага не зраблю
ніколі. Другое: урад можа падаць у адстаўку. Іншага выйсця я не бачу. Таму я заяўляю аб адстаўцы»,
— дадаў Яцанюк.