Крыніцы: Пытанне эмбарга расійскіх энерганосьбітаў вырашана — эмбарга будзе

Еўрапейскія краіны ўжо прынялі прынцыповае рашэнне па пытанні эмбарга на расійскія нафту і газ. Неабходна яшчэ нейкі час на ўзгадненне і кансультацыі для прымянення абмежаванняў. Пра гэта распавёў сацыёлаг Ігар Эйдман у эфіры ўкраінскага тэлемарафона UAразом.

«Гэтае пытанне прынцыпова вырашана. Эмбарга будзе. У Германіі пра гэта кажуць даволі даўно і ў Еўрасаюзе. Я думаю, што гэта адбудзецца ў бліжэйшы час, на працягу бліжэйшых пары месяцаў», — адзначыў Эйдман.

Пры гэтым ён адзначыў, што ў ЕС ёсць краіны, якія вядуць «прымірыцельную палітыку да Расіі».

«Пытанне ў тым, што не ўсе краіны Еўрасаюза аднолькава рашучыя ў гэтым пытанні. Ёсць краіны, якія вядуць такую прымірыцельную палітыку да Расіі, — гэта Вугоршчына, у першую чаргу, але збольшага такую ж палітыку вялі ў мінулыя гады Кіпр і нават Італія, хоць пасля поўнамаштабнага ўварвання італьянскія ўлады перагледзелі свае погляды і сталі больш жорсткімі адносна пуцінскаму рэжыму», — патлумачыў сацыёлаг.

Па яго словах, пытанне будзе вырашана, але якісьці час сыйдзе на ўзгадненне і кансультацыі.

«Старэйшыя члены ЕС, як Германія і Францыя, будуць ціснуць на новых членаў, якія не хочуць гэтага эмбарга. Гэтае пытанне будзе вырашана. Прынцыпова і пытанне нафты, і пытанне газу еўрапейцы для сябе вырашылі. Пуцінская Расія ў любым выпадку перастане быць асноўным пастаўшчыком энерганосьбітаў у Еўропу. Гэта ўсё застанецца ў мінулым. У Расіі былі такія мары — статус энэргетычнай звышдзяржавы, але ніякага статусу не будзе. Расія будзе прадаваць у абыход эмбарга сваю нафту ў Азію з велізарным дысконтам і ніякіх перспектыў у яе не будзе ў гэтай галіне», — падсумаваў Эйдман.

Паводле unian.net.