Марш роўнасці ў Кіеве: прагнозы ды пагрозы

Перад правядзеннем Марша роўнасці ў Кіеве 18 чэрвеня на сайце ўкраінскай ЛГБТ-супольнасці былі размешчаны пагрозы на адрас актывістаў. Невядомыя заявілі, што правядзенне Марша роўнасці стане для іх трагічнай памылкай.

На сайце ўкраінскагй ЛГБТ-супольнасці upogau.org па стане на 16:30 17 чэрвеня былі размешчаныя пагрозы фізічнай расправы над актывістамі, перадае "Гордон".
Як мяркуецца, невядомыя ўзламалі сайт, які з'яўляецца афіцыйным парталам "Гей-альянсу Украіны".
"Геі! Ад імя ўкраінскага народа патрабуем спыніць вашу дзейнасць у нашай краіне! Вы — ворагі ўкраінскай нацыі", — гаворыцца ў паведамленні на сайце.
Невядомыя, якія называюць сябе ўкраінскімі патрыётамі, пішуць, што "правядзенне ў Украіне розных ЛГБТ-форумаў, "Маршаў роўнасці","КіеўПрайдаў" і падобных мерапрыемстваў ... стане трагічнае памылкай. Ніякая ўяўная падтрымка паліцыі вам не дапаможа".
У цяперашні час паведамленне невядомых праціўнікаў ЛГБТ-супольнасці выдаленае з сайта, аднак даступна ў telegra.ph.

17 чэрвеня ў дабравольніцкім украінскім корпусе "Правы сектар" заявілі пра намер правесці акцыю "Супраць наступу на сям'ю" ў якасці процідзеяння "Маршу роўнасці".
Марш роўнасці ў падтрымку ЛГБТ-супольнасці адбудзецца ў Кіеве 18 чэрвеня. Падчас правядзення Марша правапарадак будуць ахоўваць каля пяці тысяч паліцэйскіх, таксама па маршруце ўдзельнікаў мерапрыемства будуць працаваць кінолагі са службовым сабакамі і конная паліцыя, заявіў начальнік Галоўнага ўпраўлення Нацыянальнай паліцыі Кіева Андрэй Крышчанка.
Маршрут Марша складзе 1,2 км. Да аховы маршу буду прыцягнуты ў тым ліку 50 валанцёраў, якія будуць арганізоўваць калону і сачыце за тым, каб унутры самой калоны не было правакацый.
Першы Марш роўнасці ва ўкраінскай сталіцы павінен быў прайсці ў 2012 годзе, але быў адменены з меркаванняў бяспекі. У 2013 годзе ён прайшоў, але скончыўся бойкай. У 2014 годзе пасля перамоваў з кіеўскім праваахоўнікамі арганізатары Маршу роўнасці ў падтрымку правоў ЛГБТ абвясцілі аб адмене шэсця. Да гэтага супраць яго выступаў і мэр Кіева Віталь Клічко, які патлумачыў, што падобнае "забаўляльнае" мерапрыемства недарэчна на фоне вайны на ўсходзе краіны.
У 2015 годзе "Правы сектар" заяўляў, што не дапусціць правядзення мерапрыемства, аднак прайд усё ж адбыўся, але суправаджаўся сутыкненнямі.
У 2016 годзе Марш роўнасці адбыўся ў цэнтры Кіева. Правакацый падчас мерапрыемства не назіралася. Улады прынялі беспрэцэдэнтныя меры бяспекі, колькасць паліцэйскіх значна перавышала колькасць удзельнікаў маршу.