Меркаванні бяспекі? У аэрапорце Ашхабада, дзе прайшоў Каспійскі саміт, Пуціна ніхто не сустракаў (відэа)

Журналісты звярнулі ўвагу, што ўдзельнікаў нядаўняга Каспійскага саміта ў Ашхабадзе спрэс сустракалі хлебам-соллю — усіх, акрамя Уладзіміра Пуціна. Расійскі кіраўнік прыбыў ў сталіцу Туркменістана ў адзіноце, сышоў з трапа і адразу накіраваўся ў аўтамабіль.
Хутчэй за ўсё, гэта звязана з надзвычайнымі захадамі бяспекі, якімі карыстаецца Пуцін. У тым жа Ашхабадзе саміт прайшоў за такім агромністым сталом, што ён адразу стаў мемам у сеціве.

Таксама нядаўна з'явілася інфармацыя, што ў паездках кіраўніка Расіі суправаджае спецыяльны чалавек, які збірае ў спецыяльны чамаданчык прэзідэнцкія фекаліі. Нібыта для таго, каб не дасталіся замежнікам, якія могуць зрабіць аналіз і высветліць стан здароўя Пуціна.

На гэтым фоне цалкам зразумела, што каштаваць з чужых рук хлеб-соль Уладзімір Уладзіміравіч не можа сабе дазволіць.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: