Міністр абароны Польшчы абвінаваціў беларускія спецслужбы ў абстрэле польскай тэрыторыі

Нехта абстраляў асвятляльныя мачты ў ваколіцах Цярэспаля, што паблізу польска-беларускай мяжы.

Як заявіла Міністэрства абароны Польшчы, невядомыя знішчылі ліхтары каля польска-беларускай мяжы.

Абстрэл ішоў з боку Беларусі з пнеўматычнай зброі, паведамляе Радыё Свабода.

Мачты ўсталявалі польскія вайскоўцы дзеля таго, каб лепей кантраляваць дзяржаўную мяжу з Беларуссю, адкуль штоночы ладзяцца спробы штурму і прарыву ў Еўрасаюз.

Міністар абароны Польшчы Марыюш Блашчак назваў абстрэл ліхтароў на польска-беларускай мяжы «правакацыяй беларускіх службаў». Ён ацаніў гэтыя дзеянні як непрымальныя. Блашчак заявіў, што ў міністэрства абароны выклічуць аташэ абароны Беларусі для тлумачэння інцыдэнту каля Цярэспалю.

Польскія памежнікі 30 лістапада зафіксавалі 102 спробы незаконнага перасячэння мяжы з боку Беларусі, паведаміла польская памежная служба.