Польшча не лічыць «дээскалацыяй» пару самалётаў з мігрантамі

Польшча не лічыць факты вяртання мігрантаў, якія знаходзяцца ў Беларусі, прыкметай зніжэння градуса напружанасці міграцыйнага крызісу на польска-беларускай мяжы.


Пра гэта заявіў у аўторак на брыфінгу прэс-сакратар міністра, што каардынуе працу польскіх спецслужбаў, Станіслаў Жарын, перадае АФН са спасылкай на ТАСС.

«Гэтыя палёты могуць на першы погляд здацца прыкметай дээскалацыі гэтага крызісу, але мы адназначна лічым, што гэтыя высновы заўчасныя», — сказаў ён, падкрэсліўшы, што польскі бок працягвае фіксаваць масавыя спробы фарсіравання мяжы мігрантамі. «Мы лічым, што гэтыя спробы будуць працягвацца», — дадаў Жарын.

Па яго словах, беларускія ўлады «шукаюць новыя напрамкі прыцягнення ў Беларусь замежнікаў».

«У нас ёсць сігналы, што найбліжэйшым часам можа больш інтэнсіўна выкарыстоўвацца траса паміж Масквой і Мінскам для падсілкоўвання гэтага крызісу, арганізаванага беларускімі службамі», — сказаў ён.

«Палітычны крызіс, справакаваны Беларуссю, працягваецца», — рэзюмаваў Жарын.

Паводле яго слоў, па апошняй інфармацыі польскіх службаў, якія імкнуцца перасекчы польскую мяжу ў Беларусі мігрантаў «можа быць 10 тысяч, а можа быць і больш». «Яны размешчаны ў розных месцах, у тым ліку на прыгранічных тэрыторыях. Яны могуць выкарыстоўвацца для дэстабілізацыі сітуацыі», — адзначыў ён.

18 лістапада першы самалёт з мігрантамі вылецеў з Нацыянальнага аэрапорта Мінск па маршруце Мінск-Арбіл-Багдад. На борце знаходзілася каля 400 іракскіх мігрантаў. Іншая група з 118 мігрантаў пакінула Беларусь 22 лістапада.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: