Пуцін падпісаў указ пра прызнанне «незалежнасці» Запарожскай і Херсонскай абласцей
Расійскі кіраўнік Уладзімір Пуцін падпісаў указы аб прызнанні Расіяй «незалежнасці» Запарожскай і Херсонскай абласцей Украіны.
Пуцін уначы падпісаў указы аб прызнанні Расіяй «незалежнасці» Запарожскай і Херсонскай абласцей Украіны, паведамляюць расійскія навінавыя агенцтвы. Гэта фармальнасць для наступнай анексіі гэтых тэрыторый.
Уваходжанне ў склад Расіі гэтых тэрыторый адбудзецца хутчэй за ўсё сёння ў 15.00 па маскоўскім часе.
Пакуль ні адна краіна свету не заяўляла пра намер прызнаць іх анексію.
Антоніу Гутэрыш заявіў, што рэферэндумы супярэчаць Статуту ААН і не могуць быць прызнаныя.
Нагадаем, рэферэндумы аб уваходжанні ў склад Расіі зладзілі ў так званых Данецкай і Луганскай народных рэспубліках, а таксама ў акупаваных Запарожскай і Херсонскай абласцях Украіны з 23 па 27 верасня.
