Швейцарыя ўводзіць новыя эканамічныя санкцыі па Беларусі

 Краіна далучаецца да апошняга санкцыйнага пакета ЕС.

Швейцарыя ўводзіць новыя эканамічныя санкцыі па Беларусі.
Гэта абмежаванні ў дачыненні да гандлю тэхналогіямі двайнога прызначэння, нафтапрадуктамі, каліем, а таксама таварамі, што выкарыстоўваюцца ў вытворчасці тытунёвых вырабаў.
Санкцыі закранаюць «Белэранавігацыю» і прадастаўленне пазык і паслуг страхавання або перастрахавання беларускім дзяржорганам.
«Швейцарыя глыбока занепакоеная няўхільным пагаршэннем сітуацыі з правамі чалавека ў Беларусі і адсутнасцю дыялогу паміж урадам і грамадзянскай супольнасцю», — кажуць улады Швейцарыі.