Такаеў: Кожная другая з 1400 буйных замежных кампаній сышла з расійскага рынку

Такаеў заваблівае ў Казахстан кампаніі, што сыходзяць з расійскага рынку. Ураду Казахстана даручана стварыць спрыяльныя ўмовы для рэлакацыі замежных кампаній у краіну. Пра гэта кіраўнік Казахстана заявіў у ходзе пашыранага пасяджэння ўрада.


«Кожная другая з амаль 1400 буйных замежных кампаній прыпыніла дзейнасць або цалкам сышла з расійскага рынку. Ураду варта стварыць спрыяльныя ўмовы для іх рэлакацыі ў Казахстан. Гэта дасць нам добрыя магчымасці для нарошчвання вытворчасці тавараў сярэдніх і верхніх перадзелаў», — сказаў Касым-Жамарт Такаеў.

Прэзідэнт нагадаў, што ён даручаў ураду падрыхтаваць пул інвестыцыйных праектаў у сферы апрацоўчай прамысловасці і адпрацаваць яго з патэнцыяльнымі інвестарамі, піша АФН.

«Гэтая праца ўсё яшчэ вядзецца ў рэжыме нарад і сустрэч. У частцы канкрэтных вынікаў пакуль мала чым можна пахваліцца. Новых праектаў па сутнасці няма», — зазначыў Такаеў.

«Яшчэ раз падкрэсліваю — праекты, перш за ўсё, рэалізуюцца ў рэгіёнах, на месцах. Таму адказнасць за іх прыцягненне і давядзенне да канчатковага выніку з акімаў будзе такая ж, як з міністэрстваў», — заявіў Касым-Жамарт Такаеў.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: