«У адным акопе»: Кім Чэн Ын прыбыў у Расію на сваім бронецягніку

Лідар Паўночнай Карэі Кім Чэн Ын прыехаў у Расію на сваім бронецягніку і прыбыў на станцыю Хасан на мяжы паміж КНДР і РФ.  

Неназваная расійская крыніца пацвердзіла выданню Kyodo, што раніцай 12 верасня Кім Чэн Ын ужо знаходзіцца ў Расіі. Са станцыі Хасан ён павінен адправіцца ва Уладзівасток, дзе яго чакае сустрэча з Уладзімірам Пуціным.

Як пішуць паўночнакарэйскія СМІ, Кім Чэн Ын пакінуў сталіцу Пхеньян у нядзелю ў суправаджэнні вышэйшых службовых асоб кіруючай Працоўнай партыі Карэі, урада і вайскоўцаў.

Пуцін таксама, як паведамлюць расійскія СМІ, прыбыў у панядзелак ва Уладзівасток, дзе праходзіць Усходні эканамічны форум.

Ад Ына залежыць, калі ў РФ скончацца сілы ваяваць?

У адным акопе: Расія — КНДР

Перад пандэміяй каронавіруса РФ актыўна карысталася паўночнакарэйскай рабочай сілай, адзначае ВВС. Але санкцыі ААН і кавід перакрылі паток практычна бяспраўных работнікаў з КНДР. 

Зрэшты, пазней — пасля ўварвання Расіі ва Украіну — міжнародная ізаляцыя паспрыяла збліжэнню Масквы і Пхеньяна.

Сястра лідара КНДР Кім Чэн Ына Кім Е Чжон у канцы першага года вайны ва Украіне заяўляла, што Паўночная Карэя заўсёды будзе з Расіяй «у адным акопе».

Год таму віцэ-прэм'ер Расіі Марат Хуснулін ужо распавядаў аб прапанове будаўнікоў з КНДР паўдзельнічаць у аднаўленні тэрыторый самаабвешчаных ДНР і ЛНР.

«Калі юрыдычных праблем не будзе, то я лічу, што магчыма. Калі яны будуць гатовыя прыехаць, мы іх будзем гатовыя прыняць», — заявіў віцэ-прэм'ер РФ.

Адзін плітачнік з КНДР «замяняе два — два з паловай плітачніка з РФ», хваліў чыноўнік высокую прадукцыйнасць паўночнакарэйскіх рабочых.

Байдэн заклікаў Паўночную Карэю не прадаваць зброю Расіі

Белы дом напярэдадні сустрэчы Кім Чэн Ына з Уладзімірам Пуціным заклікаў Паўночную Карэю не прадаваць зброю Расіі.

Пра гэта паведамляла агенцтва Yonhap са спасылкай на каментар прэс-сакратаркі Рады нацыянальнай бяспекі ЗША Эдрыен Уотсан.

Па словах чыноўніка, чакаецца, што перамовы аб перадачы зброі паміж РФ і КНДР працягнуцца падчас візіту Кім Чэн Ына ў Расію.

«Мы заклікаем Паўночную Карэю выконваць публічныя абавязацельствы Пхеньяна не прадастаўляць і не прадаваць зброю Расійскай Федэрацыі», — дадаў Уотсан.

Сустрэча Пуціна і Кіма

Раней прэс-сакратар Крамля Дзмітрый Пяскоў пацвердзіў, што ў бліжэйшыя дні адбудзецца сустрэча Пуціна і Кіма, падчас якой яны абмяркуюць двухбаковыя адносіны паміж краінамі.

«У найбліжэйшыя дні адбудзецца сустрэча Пуціна з Кім Чэн Ынам, і, акрамя перамоваў, адбудзецца афіцыйны абед у гонар лідара КНДР», — сказаў Пяскоў.

Дзіўныя справы: Шайгу назваў армію КНДР «наймацнейшай у свеце»

Што вядома аб пастаўках паўночнакарэйскай зброі ў РФ

У студзені ЗША апублікавалі рассакрэчаныя фатаграфіі вагонаў, якія накіроўваліся ў Расію з Паўночнай Карэі і, верагодна, перавозілі зброю для расійскай арміі, у прыватнасці для ПВК Вагнера.

У чэрвені Кім Чэн Ын абяцаў «трымацца за руку» з Пуціным і ўмацоўваць стратэгічнае супрацоўніцтва паміж дзяржавамі.

4 жніўня каардынатар Рады нацыянальнай бяспекі Белага дому Джон Кірбі заявіў, што ЗША атрымалі разведданыя, якія сведчаць аб тым, што Расія спрабуе набыць у Паўночнай Карэі партыю ракет для выкарыстаньня ў вайне супраць Украіны.

Дарадца прэзідэнта ЗША па нацыянальнай бяспецы Джэйк Саліван заявіў, што Паўночная Карэя «заплаціць цану», калі дасць Расіі зброю для вайны супраць Украіны.

10 верасня ў пасланні з нагоды 75-годдзя ўтварэння КНДР Пуцін заявіў, што імкнецца будаваць больш трывалыя сувязі з Паўночнай Карэяй «на ўсіх франтах».

Паводле ВВС, suspilne.media