У Расіі закрываюць прадстаўніцтвы Фонду Карнегі, «Amnesty International» і «Human Rights Watch»

Мінюст РФ выключыў з рэестра філіялаў і прадстаўніцтваў міжнародных арганізацый і замежных некамерцыйных НДА 15 арганізацый, у тым ліку Фонд Карнегі, «Amnesty International» і «Human Rights Watch».

Мінюст закрыў гэтыя расійскія прадстаўніцтвы, а таксама ўсе нямецкія фонды і іншыя міжнародныя і замежныя арганізацыі, піша праваабаронца Павел Чыкаў у сваім тэлеграм-канале.
Гэта арганізацыі з ЗША, Вялікабрытаніі, Германіі, Польшчы і Швейцарыі.
У паведамленні міністэрства сказана, што гэта зроблена «ў сувязі з выяўленымі парушэннямі дзеючага заканадаўства».
Усяго ў рэестры зараз 92 замежных НДА.