Украіна, Брытанія і Польшча абвясцілі аб стварэнні трохбаковага альянсу

Кіеў, Лондан і Варшава абвясцілі аб стварэнні новага трохбаковага фармату ўкраінска-брытанска-польскага супрацоўніцтва, паведамляе прэс-служба ўкраінскага МЗС.

620e860a54754012511097_730x360.jpg

Рашэнне было прынята па выніках перамоў міністра замежных спраў Украіны Дзмітрыя Кулебы з яго брытанскай калегай Элізабэт Трас, якая ўпершыню знаходзіцца з візітам у Кіеве.

Кіраўнікі дыпламатый узгаднілі параметры новага альянсу, прыярытэтныя сферы ўзаемадзеяння і апублікавалі адпаведнае сумесную заяву. У ёй гаворыцца, што краіны маюць намер узмацняць сумесную працу «па забеспячэнні стабільнасці і ўстойлівасці Украіны, умацоўваючы дэмакратыю на мяжы ва Усходняй Еўропе».

«Мы будзем разам працаваць над прасоўваннем нашага супрацоўніцтва, якое ўключае, але не абмяжоўваецца каардынацыяй падтрымкі Міжнароднай Крымскай платформы, узмацненнем супрацоўніцтва ў пытаннях кібер- і энэргетычнай бяспекі, а таксама ўмацаваннем стратэгічных камунікацый для процідзеяння дэзінфармацыі», — заяўляюць падпісанты.

«Трохбаковы альянс будзе ўзмацняць эканамічнае, гандлёвае і энергетычнае супрацоўніцтва Украіны, Польшчы і Вялікабрытаніі. Ён таксама будзе садзейнічаць абароне Украіны ад расійскай агрэсіі. Такі фармат стане дзейсным залогам міру, бяспекі і развіцця ў Еўропе», — падкрэсліў Кулеба.