ЗША могуць увесці санкцыі асабіста супраць Пуціна

Прэзідэнт ЗША Джо Байдэн гатовы разгледзець пытанне наконт увядзення персанальных санкцый супраць Уладзіміра Пуціна, калі Расія ўварвецца на Украіну, паведамляе euronews.com.
Фота PAP/EPA/OLIVIER HOSLET/POOL

Фота PAP/EPA/OLIVIER HOSLET/POOL

Байдэн таксама адзначыў, што тэрміны перадыслакацыі амерыканскага кантынгенту ва Усходнюю Еўропу будуць залежаць ад дзеянняў Масквы.

"Гэта будзе мець велізарныя наступствы па ўсім свеце! Калі яны рушаць туды з усім сваімі сіламі, гэта стане найбуйнейшым уварваннем з часоў Другой сусветнай вайны", — сказаў Байдэн.

Напярэдадні ЗША і NАТO агучылі планы па ўмацаванні ваеннай прысутнасці ва Усходняй Еўропе. Праўда, як паказваюць апытанні, толькі чвэрць амерыканцаў давяраюць Байдэну ў пытанні эфектыўнага кіравання падобнымі кампаніямі; асноўная крытыка ідзе з лагеру рэспубліканцаў, дзе хочуць больш рашучых дзеянняў.

Мітч Маконэл, лідар рэспубліканскай меншасці ў Сенаце, перакананы: "Разгарнуць дадатковыя войскі NАТO, у тым ліку некаторыя нашы ўласныя, у Польшчы, Румыніі, Прыбалтыцы, трэба цяпер, а не пасля ўварвання".

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: