Інфляцыя наступае. У студзені-ліпені рэальныя даходы беларусаў упалі на 3,4%
Інфляцыя працягвае з'ядаць заробкі і іншыя даходы беларусаў. У ліпені тэмпы падзення рэальных наяўных грашовых даходаў насельніцтва зноў выраслі.
Як паведамляе reform.by са спасылкай на Белстат, па выніках сямі месяцаў рэальныя
наяўныя грашовыя даходы беларусаў скараціліся на 3,4%, што на 0,7 працэнтных пунктаў больш,
чым за паўгоддзе. Для параўнання, у студзені-красавіку зніжэнне даходаў
складала 1,2%, а ў студзені-траўні — 2,1%.
Рэальныя даходы — гэта грашовыя даходы за вылікам падаткаў,
збораў і узносаў, скарэкціраваныя на індэкс спажывецкіх цэн на тавары і
паслугі.
У агульным аб'ёме грашовых даходаў аплата працы ў студзені-ліпені складала 65,1%, даходы ад прадпрымальніцкай і іншай дзейнасці, якая прыносіць даход — 8,2%, трансферты насельніцтву (пенсіі, дапамогі, стыпендыі і іншыя выплаты) — 21,9%, даходы ад уласнасці і іншыя даходы — 4,8%.
