Генпракуратура завяла крымінальную справу за спалены дзяржаўны сцяг з амбасады Беларусі ў Вільні

Крымінальную справу распачалі па артыкуле за распальванне нацыянальнай варожасці.

«Устаноўлена, што 27 лютага 2022 года ў дзённы час на тэрыторыі Пасольства Рэспублікі Беларусь у г. Вільнюсе група грамадзян публічна зняла Дзяржаўны флаг Рэспублікі Беларусь і знішчыла яго шляхам спалення. Пры гэтым замест яго змясціла палатно бел-чырвона-белага колеру.

Здзекуючыся з нашай гістарычнай і культурнай рэліквіі, гэтыя асобы прынізілі нацыянальны гонар і годнасць беларусаў.

Супрацьпраўныя дзеянні кваліфікаваны па ч.3 арт.130 Крымінальнага кодэкса Рэспублікі Беларусь.

Для арганізацыі папярэдняга расследавання крымінальная справа накіравана ў Следчы камітэт Рэспублікі Беларусь», — паведамляе Генпракуратура.

Нагадаем, учора на амбасадзе Беларусі ў Вільні замест чырвона-зялёнага павесілі бел-чырвона-белы сцяг. Таксама размясцілі побач і сцяг Украіны.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: