МУС праводзіць вучэнні з АМАПам і САХРам паводле пратэстаў у Казахстане

Комплексныя мерапрыемствы з удзелам падраздзяленняў АМАПа, САХР,а злучэнняў і вайсковых часцей унутраных войскаў пройдуць на працягу гэтага тыдня, паведамляе МУС.

Ілюстрацыйнае фота Дзмітрыя Дзмітрыева

Ілюстрацыйнае фота Дзмітрыя Дзмітрыева

Міністэрства ўнутраных спраў праводзіць планавыя вучэнні з задзейнічаннем тэрытарыяльных органаў унутраных спраў і ўнутраных войскаў.
Паведамляецца, што плануецца адпрацаваць пытанні забеспячэння аховы грамадскага парадку, спынення масавых беспарадкаў, а таксама пытанні і тактычныя дзеянні па ліквідацыі груп тэрарыстаў, экстрэмісцкіх груповак і ўзброеных злачынцаў.
У ведамстве мяркуюць, што падзеі ў Казахстане, якія суправаджаліся масавымі беспарадкамі і захопам дзяржаўных устаноў, у тым ліку ваенных аб'ектаў, пацвердзілі неабходнасць адпрацоўкі розных сцэнарыяў развіцця сітуацый.