Расійскія вайскоўцы прыбываюць у Беларусь у рамках праверкі сіл рэагавання

Расійскія вайскоўцы прыбываюць у Беларусь у рамках першага этапу праверкі сіл рэагавання, заявіў дзяржсакратар Рады бяспекі Аляксандр Вальфовіч, яго словы прыводзіць «БелТА».


У ходзе будучай праверкі асноўная ўвага будзе нададзена ацэнцы дзеянняў органаў ваеннага кіравання. Плануецца адпрацаваць арганізацыю кіравання войскамі падчас іх разгортвання, адлюстравання ўдараў сродкаў паветранага нападу праціўніка і некалькі іншых пытанняў.

Паводле слоў Вальфовіча, такое рашэнне было прынята, зыходзячы з ацэнкі ваенна-палітычнай абстаноўкі ля межаў Расіі і Беларусі. Дзяржсакратар адзначыў, што планы сумесных мерапрыемстваў на тэрыторыі Беларусі былі зацверджаныя ў канцы мінулага года.

Неабходнасць правядзення такой праверкі Вальфовіч патлумачыў «ваеннай актыўнасцю НАТА паблізу Беларусі», ён таксама абвінаваціў Польшчу, Літву і Украіну ў мілітарызацыі, павелічэнні колькасці армій і «агрэсіўнай і дэструктыўнай палітыцы».

Паводле слоў Вальфовіча, Беларусь у такой сітуацыі павінна быць гатовай дзейнічаць неадкладна — самастойна і ў складзе рэгіянальнай групоўкі войскаў.

Сёння Аляксандр Лукашэнка анансаваў правядзенне вучэнняў «Саюзная рашучасць», у рамках якіх расійскія і беларускія войскі адпрацуюць супрацьстаянне Польшчы, Украіне і краінам Балтыі.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: