На ўдзельнікаў гурта Tor Band завялі крымінальныя справы

Супраць трох удзельнікаў гурта Tor Band завялі крымінальныя справы і перавялі ў гомельскае СІЗА, паведамляюць праваабаронцы.
Фота з сайта babruysk.by

Фота з сайта babruysk.by

Трох удзельнікаў рагачоўскага гурта Tor Band — Яўгена Бурло, Дзмітрыя Галавача і Андрэя Ярэмчыка — перавялі ў гомельскае СІЗА. Гэта значыць, што супраць усіх удзельнікаў заведзеная крымінальная справа. Па якім артыкуле — дакладна не вядома.

Музыкаў разам з жонкамі затрымалі 28 кастрычніка ў Рагачове. У канцы снежня паведамлялася, што музыкі не выйшлі на волю пасля 60 сутак арышту.

16 студзеня гурт Tor band быў прызнаны «экстрэмісцкім фармаваннем». Гэта першы музычны гурт, які ў Беларусі займеў статус «экстрэмісцкага фарміравання».

Вядома, што жонка Дзмітрыя Галавача Юлія, якую затрымлівалі разам з музыкамі і таксама абазначылі як удзельніцу экстрэмісцкага фармавання, знаходзіцца ў бяспецы.

Tor band — вядомы беларускі гурт. Іх кліпы на песні «Мы — не "народец"», «Жыве», «Кто, если не ты?!» набралі больш за мільён праглядаў на YouTube.

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: