Навіны дня. Жыццё робіцца даражэйшае і яшчэ больш небяспечнае

Палітвязням не аддаюць лісты. Арышты не спыняюцца — сёння ўзяліся за незалежныя прафсаюзы. Гэтыя і іншыя навіны чытайце ў нашым традыцыйным аглядзе

Жыццё ў краіне даражэе. У Беларусі зноў падаражэла аўтамабільнае паліва. Восьмы раз ад пачатку года.

Больш каштуе цяпер і праезд у грамадскім транспарце. Апошнім рашэнне падняць цану прыняў Магілёўскі аблвыканкам.

Былога ідэолага БелТА асудзілі «злівы» апазіцыйным тэлеграм-каналам. Нядаўняга намесніка генеральнага дырэктара БелТА па ідэалагічнай працы Сяргея Адзярыху  асудзілі да пяці гадоў калоніі.

Палітвязням не аддаюць лісты. На Міколу Дзядка ціск у калоніі не спыняецца. «Працягваюцца канфіскацыі і знішчэнні лістоў у максімальна здзеклівай форме… Было знішчана ўжо каля 45 лістоў».

Да Дар’і Чульцовай у калоніі таксама наогул не даходзяць лісты. «Усё ідзе ў печку!», — распавяла яе маці.

Сёння цягам усяго дня адбываюцца масавыя ператрусы ў чальцоў незалежных прафсаюзаў.