За «лайк» у фэйсбуку. Стала вядома, за што затрымалі і судзяць журналіста Сяргея Няроўнага

Сяргей Няроўны паставіў у сацыяльнай сетцы знак, што яму падабаецца заблакаваны ўладамі буйнейшы беларускі інтэрнэт-партал, які быў прызнаны экстрэмісцкім. Гэта палічылі правапарушэннем.

На крычаўскага журналіста, былога рэдактара газеты «Вольны горад» Сяргея Няроўнага завялі адміністрацыйную справу за тое, што на ягонай старонцы ў Facebook «размешчаная інфармацыйная прадукцыя, а менавіта адзнака «падабаецца», інтэрнэт-сайта «Беларускі партал Tut.by», які рашэннем суду Цэнтральнага раёну Мінска ад 13 жніўня 2021 году ўключаны ў рэспубліканскі спіс экстрэмісцкіх матэрыялаў». Так запісана ў рапарце ўчастковага інспектара Крычаўскага РАУС Сцепаненкі, адзначае «Свабода».

З прычыны гэтага лайку ў мінулую суботу Сяргея Няроўнага затрымалі, агледзелі дом, забралі тэхніку, а самога пакінулі ў ізалятары да суду.

Працэс над Сяргеем Няроўным пачаўся 18 кастрычніка, аднак суддзя Азаранка пастанавіў зрабіць перапынак да 20 кастрычніка.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: