ЗША папрасілі Украіну дапамагчы з эвакуацыяй з Афганістана асоб, якім пагражае небяспека

Злучаныя Штаты звярнуліся да ўкраінскай улады з просьбай аб дапамозе ў правядзенні аперацыі па эвакуацыі з Афганістана шэрагу асоб, якім пагражае небяспека, паведамляе прэс-служба прэзідэнта Украіны са спасылкай на МЗС.

«Украіна пагадзілася даць лагістычнае садзейнічанне ў вывазе людзей з Кабула з іх наступным перамяшчэннем у ЗША і іншыя краіны. Гэтая аперацыя не прадугледжвае прадастаўленне эвакуіраваным прытулку ва Украіне», — гаворыцца ў паведамленні.
У ім адзначаецца, што Вашынгтон, у сваю чаргу, дапамагае Кіеву ў аперацыях па эвакуацыі ўкраінскіх грамадзян з Афганістана.
Як паведамлялася, больш за 150 украінцаў, членаў іх сем'яў і іншых замежнікаў паведамілі пра жаданне быць эвакуіраванымі з Афганістана. Паводле інфармацыі МЗС Украіны, адпрацоўваюцца два планы: вываз грамадзян на самалёце, які ўжо знаходзіцца ў аэрапорце Кабула, і эвакуацыя самалётам Міністэрства абароны Украіны, які паляцеў 18 жніўня з Кіева.
15 жніўня ўкраінскі прыватны самалёт вывез 79 чалавек з Афганістана: восем грамадзян Украіны, а таксама грамадзян Нідэрландаў, Харватыі, Беларусі, Афганістана.
Раніцай 22 жніўня ўкраінскі ваенна-транспартны самалёт Іл-76МД Паветраных сіл ВСУ, які напярэдадні вылецеў з афганскага аэрапорта Кабул, прыбыў у Барыспаль. На яго борце знаходзілася 83 пасажыры, з якіх 31 грамадзянін Украіны.
interfax.by