«Эпоха ідзе адпачываць». У Мінску закрыўся культавы бар

У Мінску закрыўся бар «Графіці», які працаваў 23 гады.

Бар быў адкрыты ў 1999 годзе. І стаў па-сапраўднаму культавым, паведамляе «Люст*рка». За час існавання «Графіці» там прайшло больш за сем тысяч канцэртаў. У бары «Графіці» за гэты час выступалі гурты «Neuro Dubel», «Крама», «Apple Tea», «Серебряная свадьба», Іван Кірчук, Зміцер Вайцюшкевіч і многія іншыя.

Пра закрыццё бара ў сацсетках паведаміў яго кіраўнік Нік Маторын. «Эпоха ідзе адпачываць. Дзякуй вялікі ўсім людзям, вы — наша сэрца, гэта было выдатна. 23», — напісаў ён у Instagram.

А на барнай стойцы калісьці нават танцаваў Аляксандр Саладуха. Тут ён выступаў разам з гуртом «Разбітае сэрца пацана».

У 2019 годзе ўладальнікі хацелі знайсці іншую пляцоўку для ўстановы. У 2021 годзе бар ужо зачыняўся. Тады былі праблемы: штрафы, не было грошай на арэнду і камуналку. Гаспадары прасілі дапамогі ў беларусаў.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: