Трэці этап MOVABOX прадставіць хуліганісты паэт Віктар Жыбуль

Ва ўжо нашумелым праекце velcom MOVABOX, які ўтварыўся з ініцыятывы «Чытаем па-беларуску з velcom», бяруць удзел дзясяткі тысяч беларусаў.



Аматары беларускай літаратуры бяруць для чытання кнігі са спецыяльных боксаў для буккросінгу, фатаграфуюцца, закрыўшы твар кнігай, дадаюць хэштэг #чытаемразам і выкладаюць у сацыяльныя сеткі.

Velcom распачаў новы праект MOVABOX, каб змяніць уяўленне пра беларускую літаратуру



Нагадаем, што першыя два этапы праекту былі прысвечаны творчасці такіх пісьменнікаў, як Людміла Рублеўская і Альгерд Бахарэвіч. Героем трэцяга этапу літаратурнага праекта стаў Віктар Жыбуль.

Альгерд Бахарэвіч на прэс-канферэнцыі, прысвечанай трэцяму этапу праекта, іранічна заўважыў, што калегі да яго ўдзелу ў мерапрыемстве паставіліся з зайздрасцю. А цікавасць да яго твору “Дзеці Аліндаркі” ўзрасла. “Культура не можа існаваць без падтрымкі, — падзяліўся пісьменнік, — людзі ведаюць, што такое Velcom, карыстаюцца іх паслугамі, таму цяпер яны карыстаюцца і нашымі паслугамі таксама”.

Альгерд Бахарэвіч будзе трымаць рэй падчас другога этапу MOVABOX



На трэцім этапе праекта ўпершыню ўзяў удзел паэт. Ім стаў паэт-авангардыст і літаратуразнаўца Віктар Жыбуль: “Бываюць такія моманты ў паэта, калі вершы зусім не пішуцца. І мяне злавілі для праекту, калі ў мяне была якраз творчая паўза, таму для мяне адбылася такая неспадзяванка. Тым больш, зусім нядаўна выйшла мая кніга “Дзяцел і дупло”.

Сам стыль “Дзяцел і дупло” — гарэзлівы, таму увесь стыль трэцяга этапу праекта такі ж.

Па традыцыі, кожны твор, на базе якога будуюцца асноўныя падзеі праекта, ператвараецца ў асобны MOVABOX — унікальны набор, у які ўваходзяць кніга і звязаныя з ёй артэфакты. Атрымаць яго змогуць 20 шчасліўчыкаў, якія пройдуць тэст на сайце праекта.

MOVABOX ад velcom — ужо і для юных чытачоў



На гэты раз удзельнікам прапануецца вызначыць свой тыпаж праз прызму творчасці Віктара Жыбуля. Варыянты трэставання распрацаваны пры непасрэдным удзел паэта: ён прыдумаў апісанне да кожнага з іх, пры тым, у вершаванай форме. Пры тым, пасля таго, як вы пройдзеце тэст ад Віктара Жыбуля, вы зможаце апынуцца або “піянерамі”, або “Хуліганамі”, або “падбухторшчыкамі” ці “ціхонямі”…

Дапамагчы ў знаёмстве з унутраным гарэзам павінны артэфакты: набор налепак з тыпажамі тэста, значок “Ганаровы хуліган раёна”, трафарэт са словамі “Адхуліганена”, фігурка чалавечка на кнопачцы, якая можа адлюстроўваць настрой свайго гаспадара, і нават абавязковы атрыбут “хулігана” — кулёк семак. А своеасаблівым дапаможнікам у гумарыстычным стаўленні да рэчаіснасці, вядома, сама кніга Віктара Жыбуля “Дзяцел і дупло”.  

Што трэба зрабіць, каб атрымаць гэтыя артэфакты ад Віктара Жыбуля? Проста зарэгістравацца на сайце, прайсці тэст ад Віктара Жыбуля — і вы ўжо разыгрываеце каробку з прызамі ад паэта!

MOVABOX з’яўляецца працягам яшчэ адной ініцыятывы кампаніі — «Чытаем па-беларуску з velcom». У той жа час гэта асобны інтэрактыўны праект, які спалучае сучасныя магчымасці анлайн-камунікацыі і класічнае ўспрыманне друкаванай кнігі як каштоўнасці. Мэта праекта MOVABOX — пазнаёміць шырокую аўдыторыю з сучаснымі беларускімі пісьменнікамі і іх творамі, прадэманстраваць, што беларускі літаратурны працэс разнастайны і цікавы ў міжнародным кантэксце.

Партнёры праекта — грамадска-культурная кампанія “Будзьма беларусамі!”, бясплатныя курсы беларускай мовы “Мова нанова”, партал беларускіх электронных кніг kniharnia.by