Святлана Ціханоўская ўпершыню наведвае Канаду з працоўным візітам

Святлана Ціханоўская праводзіць працоўны візіт у Канаду. Гэта яе першая паездка ў гэтую краіну, адзначае «Позірк».

Паведамляецца, штро падчас візіту Ціханоўская сустрэнецца з прэм’ер-міністрам краіны Джасцінам Трудо.

Таксама запланавана сустрэчы з міністрам замежных спраў Мелані Жалi і выступ Святланы Ціханоўскай на Галіфакскім міжнародным форуме па бяспецы.

Акрамя таго, анансуюцца сустрэчы экс-кандыдата ў прэзідэнты з акадэмічнай грамадскасцю, парламентарыямі, беларускай дыяспарай, кіраўніком Рады БНР Івонкай Сурвілай.

Калі Зяленскі сустрэнецца з Ціханоўскай? Украінскі бок заявіў пра ўмовы такой сустрэчы

«Галоўнае пасланне канадскаму кіраўніцтву — падтрымаць беларускі дэмакратычны рух, павялічыць дапамогу Канады беларускай грамадзянскай супольнасці, СМІ, праваабаронцам», — падкрэслілі ў прэс-службе Ціханоўскай.

Нагадаем, што з 2020 года Канада падтрымлівае дэмакратычныя памкненні беларусаў. Гэтая краіна далучылася да міжнародных сакнцый супраць рэжыму Лукашэнкі.