Беларускую драўніну пастаўляюць у ЕС пад выглядам казахстанскай

Беларуская драўніна трапіла пад санкцыі Захаду, але, выглядае на тое, што пастаўшчыкі ўвозяць яе незаконна па фальшывых дакументах, піша «Радыё Свабода».

Беларускую драўніну, якая трапіла пад заходнія санкцыі, увозяць на тэрыторыю Эўразьвязу праз Польшчу па фальшывых дакумэнтах аб тым, што тавар паходзіць з Казахстану. Польская мытня кажа, што ня мае фізычнай магчымасьці праверыць сапраўднасьць усіх мытных дэклярацыяў.

Пра гэта гаворыцца ў супольным расьсьледаваньні«Беларускага расьсьледніцкага цэнтру», праекту ўкраінскай рэдакцыі «Радыё Свабода» «Схемы» і Gazeta Wyborcza.

Як высьветлілі журналісты, пасьля таго, як у сакавіку 2022 году Эўразьвяз увёў забарону на імпарт беларускай драўніны, значная частка якой традыцыйна пастаўлялася ў Эўропу (штогод на суму каля мільярда эўра), экспарт драўніны з Казахстану і Кіргізстану ў ЭЗ вырас у дзясяткі і нават тысячы разоў. Насамрэч часткова гэта быў беларускі лес, які вывозілі ў Эўропу, выкарыстоўваючы схемы ўскоснага рээкспарту і падробленыя дакумэнты, гаворыцца ў расьсьледаваньні.

Беларускі лес мае занадта нізкую цану — эканамісты

Асабліва прыкметнае павелічэньне аб’ёмаў імпарту вырабаў з дрэва з Казахстану. Паводле зьвестак Эўрастату, на працягу 2022-2023 гадоў драўніны з гэтай краіны завезьлі на рэкордныя каля 126 мільёнаў эўра. Большасьць паставак — у Польшчу. Летась імпарт драўніны з Казахстану ў Польшчу вырас амаль у 5 разоў у параўнаньні з 2022 годам: з 14 мільёнаў эўра да амаль 68 млн. І гэта пры тым, што да поўнамаштабнай вайны ва Ўкраіне Казахстан, лясістасьць якога складае ўсяго 5% тэрыторыі, амаль не пастаўляў драўніну ў Эўропу.

Журналісты прааналізавалі адзін з кантрактаў паміж казахстанскай фірмай «Нурр-электра» і польскай PLRBL на пастаўку сасновага палісада коштам каля мільёна эўра. Кантракт датаваны кастрычнікам 2022 году, пастаўка — пачаткам 2023 году.

Сіла слова. Літва заявіла, што цалкам спыніла ўвоз санкцыйнай драўніны з Беларусі

Высьветлілася, што подпісы і пячаткі на дакумэнтах казахстанскага «Нурр-электра» былі сфальсыфікаваныя і, як адзначылі два незалежныя экспэрты ў галіне графічнага дызайну, накладзеныя на дакумэнты з дапамогай фотарэдактара.

Акрамя таго, юрыст казахстанскай кампаніі «Нурр-электра» Арман Тульевіч у камэнтары журналістам адзначыў, што «ніякіх фінансавых апэрацый па такой дамове не было, ня тое што тавару» і «такой маркі ў нас няма». А прадстаўнік беларускай кампаніі-перавозчыка «Gallardo» прызнаўся, што тавар зь Беларусі:

Як высьветлілі журналісты з дапамогай крыніц на рынку, партыя драўніны ішла зь беларускага прадпрыемства, уладальнікам якога зьяўляецца Алег Яновіч, гаворыцца ў расьсьледаваньні. Адзіны ўладальнік польскай кампаніі-пакупніка PLRBL Алег Яновіч адмовіўся адказваць на пытаньні журналістаў.

У адказе на запыт МЗС Польшчы адзначыла, што пытаньне ўхіленьня ад санкцыяў не ўваходзіць у іх кампэтэнцыю. Мытная служба Польшчы адзначыла, што ня мае фізычнай магчымасьці праверыць усе мытныя дэклярацыі.

МУС Польшчы адказала, што па выкладзеных у запыце журналістаў фактах пачалі расьсьледаваньне, аднак ад далейшых камэнтароў ведамства ўстрымалася.

Расьсьледаваньне цалкам можна пачытаць па спасылцы.