У акупаваным войскамі РФ горадзе Ізюм Харкаўскай вобласці пад заваламі дома, які акупанты знішчылі яшчэ ў сакавіку, знайшлі целы 44 загінулых мірных жыхароў. Пра гэта паведаміў кіраўнік Харкаўскай абласной ваеннай адміністрацыі Алег Сінягубаў.
«У часова акупаваным Ізюме з-пад завалаў пяціпавярховага дома, які акупанты знішчылі яшчэ ў першай дэкадзе сакавіка, знайшлі целы 44 загінулых грамадзянскіх, — напісаў Алег Сінягубаў. — Гэта чарговае жудаснае ваеннае злачынства расійскіх акупантаў супраць мірнага насельніцтва. Мы фіксуем кожнае, і за кожнае яны заплацяць!».
Хочаце ведаць больш? Сачыце за нашымі публікацыямі ў Telegram і Facebook!
