Закон аб «замежных агентах»: у ЕС пагражаюць Грузіі адменай бязвізу

Нідэрланды, Чэхія, Швэцыя і Эстонія настойваюць на ўвядзенні санкцый супраць Грузіі праз спробы прыняць закон аб «замежных агентах», нягледзячы на папярэджанні Брусэля і масавыя пратэсты, піша FT. Абмеркаванне санкцый пройдзе на маючай адбыцца на наступным тыдні сустрэчы міністраў замежных спраў ЕС.

Нідэрланды, Эстонія, Чэхія і Швецыя настойваюць на ўвядзенні санкцый у дачыненні да Грузіі ў адказ на спробы грузінскага ўрада прыняць спрэчны закон «Аб замежным уплыве». 

Пра гэта ў сераду, 22 траўня, піша газета Financial Times (FT). У прыватнасці, у артыкуле гаворыцца, што ўрад «Грузінскай мары» праігнараваў патрабаванні ўдзельнікаў пратэстаў і працягвае працаваць над спрэчным законам, «падобным на закон, які дзейнічае ў Расіі».

Сярод магчымых абмежаванняў — прыпыненне бязвізавага рэжыму паміж Грузіяй і ЕС, адрасныя санкцыі і замарозка выдзялення сродкаў з еўрапейскіх фондаў, адзначае выданне. 

Выданне са спасылкай на ананімныя крыніцы піша, што Эстонія, Нідэрланды, Чэхія і Швецыя выступаюць з ініцыятывай пачаць абмеркаванне абмежавальных мер супраць урада Грузіі 

«Еўрапейскія сталіцы абмяркоўваюць розныя меры ціску на ўрад Грузіі», — гаворыцца ў артыкуле.

Абмеркаванне магчымых санкцый супраць Грузіі адбудзецца на сустрэчы міністраў замежных спраў дзяржаў Еўрасаюза на наступным тыдні, гаворыцца ў публікацыі.

«Чорны дзень грузінскай дэмакратыі»

Паводле звестак выдання, прадстаўнікі Еўрасаюза сцвярджаюць, што закон аб «замежных агентах», у выпадку яго рэалізацыі, стане істотнай перашкодай у працэсе ўступлення Грузіі ў ЕС.

FT адзначае, што Грузія, краіна-кандыдат у сябры ЕС, праігнаравала і папярэджанні Бруселя, і шматмесячныя вулічныя пратэсты — і працягвае працэдуру прыняцця закона, які, як лічыцца, прымаецца пад уплывам Масквы. У ЕС разглядаюць «розныя захады ціску на грузінскі ўрад», цытуе выданне словы еўрапейскіх чыноўнікаў, знаёмых з гэтым пытаннем.

Сацапытанне: Большасць грамадзян Грузіі лічаць закон аб «замежных агентах» непатрэбным

Генеральны сакратар Рады Еўропы заклікала ўлады Грузіі выканаць рэкамендацыі Венецыянскай камісіі

Нагадаем, што 21 траўня Венецыянская камісія Рады Еўропы апублікавала крытычнае заключэнне паводле закона аб «замежных агентах» (законапраект «Аб празрыстасці замежнага ўплыву»), прынятага парламентам Грузіі ў трэцім чытанні. Камісія заклікае ўлады Грузіі «адмяніць закон у яго цяперашнім выглядзе», паколькі яе фундаментальныя недахопы пацягнуць за сабой значныя негатыўныя наступствы для свабоды аб'яднанняў і выказвання меркаванняў, недатыкальнасці прыватнага жыцця, удзелу ў грамадскіх справах, а таксама забароны дыскрымінацыі.

Над безданню аўтарытарызму. Супраць чаго змагаюцца пратэстоўцы ў Грузіі

Як пісаў НЧ, 7 мая стала вядома, што 31 еўрадэпутат заклікаў вярхоўнага прадстаўніка Еўрасаюза па замежных справах і палітыцы бяспекі Жазэфа Барэля пазбавіць Грузію статусу кандыдата ў ЕС. Пра гэта гаварылася ў заяве дэпутатаў Еўрапарламента: «Паводзіны ўрада Грузіі і кіроўнай партыі «Грузінская мара» супярэчаць абавязальніцтвам краіны-кандыдата ў ЕС. Адпаведна, статус кандыдата для Грузіі павінен быць спынены без далейшага прагрэсу на шляху ўступлення».

Сярод падпісантаў ліста да Жазэфа Барэля — Пятрас Аўштрэвічус, Віёла фон Крамон, Андрыус Кубілюс, Мірыям Лексман, Раса Юкнявічэнэ, Сандра Кліентэ, Міхаэль Галер, Ціс Ройтэн і іншыя.

Паводле dw.com,  www.ekhokavkaza.com