Вучэнні? На мяжы з Украінай узводзяць блокпасты

	Зараз	Удзень	Увечары	Уночы
Мінск	+2℃	+6℃	+5℃	+4℃
Брэст	+9℃	+8℃	+7℃	+6℃
Віцебск	+1℃	+4℃	+3℃	+2℃
Гомель	+3℃	+9℃	+7℃	+6℃
Гродна	+6℃	+7℃	+6℃	+4℃
Магілёў	+2℃	+6℃	+3℃	+3℃

Грамадства
23-01-2023

Жыхароў Столінскага раёна заклікалі не хвалявацца з-за таго, што ўлады пачалі манціраваць блокпасты. Кажуць, гэта проста вучэнні, піша «Люстэрка».

Горад Столін. Фота: polese.by

У Столінскім раёне цяпер праходзяць вучэнні па мантажы блокпастоў. Мясцовае выданне «Палессе» просіць жыхароў раёна захоўваць спакой.

«Падставы для хваляванняў няма! Паважаныя жыхары Столінскага раёна. На дадзены момант на ўчастках дарогі Р-6 і Р-88 у напрамку Пінска, Маньковічаў, Стругі і рабочага пасёлка Рэчыца праводзяцца вучэнні па мантажы блокпастоў і арганізацыі прапускной здольнасці руху транспарту. Захоўвайце спакой», — гаворыцца ў паведамленні.

Латушка: «Лукашэнку дастаткова толькі націснуць кнопку па загадзе Пуціна»

Прадстаўнік дэмакратычных сіл Беларусі Павел Латушка ў каментары германскаму выданню «Redaktionsnetzwerk Deutschland» папярэджвае пра хуткі пачатак мабілізацыі ў Беларусі і магчымае ўступленне нашай краіны ў баявыя дзеянні на баку Расіі.

Варта згадаць, што Столінскі раён мяжуе з трыма раёнамі Ровенскай вобласці Украіны. Шэраг населеных пунктаў Рэчыцкага і Стружскага сельсаветаў знаходзяцца ў памежнай зоне, для якой дзейнічае асаблівы рэжым наведвання.

Што асабіста вы будзеце рабіць, калі заўтра вайна?

Аналітык Беларускага інстытута стратэгічных даследаванняў (Belarusian Institute for Strategic Studies) Вадзім Мажэйка спрабуе супакоіць беларусаў і даказвае, што пакуль бачыць магчымасць мабілізацыі ў Беларусі ніжэйшай за 50 працэнтаў. І тым не менш раіць падумаць, што асабіста вы будзеце рабіць, калі заўтра вайна.