Знішчана яшчэ аднаго пахаванне польскіх салдат

СМІ паведамляюць пра знішчэнне яшчэ аднаго пахавання польскіх салдат у Беларусі.

Марцін Вайцяхоўскі ўскладае кветкі на знішчаным пахаванні каля вёсцы Мікулішкі Ашмянскага раёна. Фота twitter.com

Марцін Вайцяхоўскі ўскладае кветкі на знішчаным пахаванні каля вёсцы Мікулішкі Ашмянскага раёна. Фота twitter.com

Яшчэ адно пахаванне польскіх салдат знішчанае ў Беларусі. Зраўнавалі з зямлёй брацкую магілу салдат Арміі Краёвай каля вёскі Качычы Карэліцкага раёна Гродзенскай вобласці. Пра гэта са спасылкай на чытачоў паведамляе польскі рэсурс, які піша пра падзеі ў Беларусі.

У гэтым месцы былі пахаваныя 89 польскіх партызан, якія загінулі ў студзені 1945 года ў баях з унутранымі войскамі НКУС, піша Еўр*дадыё.

Армія Краёва — падпольная польская ваенная арганізацыя, якая дзейнічала падчас Другой сусветнай вайны. Яе мэтай было аднаўленне Польшчы. На баку фашыстаў Армія Краёва ніколі не ваявала. Адносіны з савецкімі войскамі былі розным: здараліся і сумесныя аперацыі супраць фашыстаў, але адбываліся і ўзброеныя сутыкненні.


Апошнім часам у Гродзенскай вобласці знішчылі некалькі пахаванняў салдат Арміі Краёвай. Так, на мінулым тыдні зраўнавалі з зямлёй магілы ў вёсцы Мікулішкі Ашмянскага раёна. На гэтае месца выязджаў часовы павераныў справах Польшчы ў Беларусі Марцін Вайцяхоўскі, які ўсклаў там кветкі. Пасля гэтага яго выклікалі ў МЗС, дзе заявілі, што афіцыйна там не зарэгістравана ваенных пахаванняў, а гэта было "ўпарадкаванне тэрыторыі".

Нагадаем, што гэта не першы выпадак апаганьвання магіл салдат Арміі Краёвай на фоне напружаных адносін Беларусі і Польшчы.

Раней Польшча выказвала занепакоенасць частымі выпадкамі апаганення магіл. У МЗС краіны заяўлялі, што выпадкі вандалізму ў асноўным датычацца Гродзенскай вобласці, дзе знаходзіцца каля 550 месцаў пахавання салдат АК. Польшча звярталася да беларускіх уладаў з заклікам неадкладна спыніць акты вандалізму і прыцягнуць вінаватых да адказнасці.

Выпадкі знішчэння магіл салдат Арміі Краёвай былі зафіксаваныя ў вёсках Багданы, Бабровічы, Дындылішкі, а таксама ў Іўі. У Ёдкавічах (Бераставіцкі раён) невядомыя ссунулі надмагільныя пліты і выкапалі астанкі салдат з брацкай магілы.