На псеўдарэферэндумах, што праходзяць на акупаваных тэрыторыях Украіны, працуюць назіральнікі з Беларусі
Прызначаныя Крамлём акупацыйныя ўлады ў гэтыя дні праводзяць «рэферэндумы» ад далучэнні да Расіі захопленых тэрыторый Херсонскай і Запарожскай абласцей, а таксама так званых «ДНР» і «ЛНР». У ліку назіральнікаў там — беларусы, піша ТАСС.
Паведамляецца, што акрамя прадстаўнікоў ад Беларусі, назіральнікамі на «рэферэндумах» працуюць людзі з Расіі, Бразіліі, Вялікабрытаніі, Егіпта, Славакіі і Сірыі.
Толькі не смейцеся, але ў так званым ЦВК «ЛНР» кажуць, што «парушэнняў на ўчастках для галасавання не зафіксавана».
Галасаванне на «рэферэндумах» па пытанні ўваходжання ў склад
РФ у якасці суб'ектаў пачалося 23 верасня. Яно будзе доўжыцца
да 27 верасня ўключна.
