Расійскай журналістцы Марыне Аўсяннікавай прысудзілі новы штраф

Былую рэдактарку расійскага «Першага канала» абавязалі выплаціць 40 тысяч расійскіх рублёў за «дыскрэдытацыю расійскай арміі».

Марына Аўсяннікава

Марына Аўсяннікава


Чаромушкінскі суд Масквы разгледзеў чарговую справу ў дачыненні да журналісткі Марыны Аўсяннікавай. На гэты раз падставай стаў допіс у Фэйсбуку, які «выявілі» супрацоўнікі Цэнтра па супрацьдзеянні экстрэмізму. За «дыскрэдытацыю расійскай арміі» Аўсяннікавай прысудзілі штраф у 40 тысяч рублёў.

Нагадаем, Марына Аўсяннікава стала вядомая пасля таго, як з'явілася ў жывым эфіры «Першага канала» з антываенным плакатам. Пасля гэтага судовыя справы пасыпаліся на жанчыну адна за адной, і яна была вымушаная пакінуць Расію. Некаторы час журналістка працавала на германскім тэлеканале «Welt», але пасля таго, як муж падаў на яе ў суд і запатрабаваў пазбавіць жанчыну бацькоўскіх правоў, яна вярнулася ў Расію.

Штраф за «дыскрэдытацыю расійскай арміі» не першы ў гісторыі цяперашняга супрацьстаяння Аўсяннікавай рэжыму Пуціна: яе ўжо затрымлівалі за адзіночны антываенны пікет пад сценамі Крамля. На плакаце, які трымала жанчына, было напісана: «Пуцін — забойца. Яго салдаты — фашысты. 352 дзіцяці загінулі. Колькі яшчэ павінна загінуць дзяцей, каб вы спыніліся?»

 Тады яна мусіла выплаціць 50 тысяч рублёў.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: