ЗША ўвялі санкцыі супраць кіраўнікоў ізалятара на Акрэсціна
Ігар Кенюх і Яўген Шапецька, кіраўнікі сумнавядомага следчага ізалятара на завулку Акрэсціна ў Мінску, трапілі пад санкцыі ЗША за іх дачыненне да грубых парушэнняў правоў чалавека, а менавіта катаванняў і/або жорсткага, бесчалавечнага ці зневажаючага годнасць абыходжання ці пакарання затрыманых пасля сфальсіфікаваных выбараў 9 жніўня 2020 года.
Ізалятар на Акрэсціна. Фота Дзмітрыя Дзмітрыева
Пра гэта гаворыцца ў заяве дзяржсакратара Злучаных Штатаў Энтані Блінкена.
«Мы поўныя рашучасці паставіць правы чалавека ў цэнтр нашай знешняй палітыкі, і мы пацвярджаем гэтае абавязацельства, выкарыстоўваючы адпаведныя інструменты і органы ўлады, каб прыцягнуць увагу да парушэнняў і злоўжыванняў правоў чалавека», — гаворыцца ў заяве.
З нагоды Дня правоў чалавека 2021 года Дэпартамент прызначаыў санкцыі ў дачыненні 12 службовых асоб замежных урадаў. Паводле заканадаўства ЗША, у выпадках, калі дакладная інфармацыя аб тым, што службовыя асобы замежных урадаў былі датычныя да грубага парушэння правоў чалавека або значнай карупцыі, гэтыя асобы і іх бліжэйшыя сваякі не маюць права на ўезд у Злучаныя Штаты.
Ігар Кенюх кіруе ІЧУ ГУУС Мінгарвыканкама, Яўген Шапецька — ЦІПам.
