МЗС Польшчы: Дзеянням улад у Мінску няма апраўдання
У МЗС Польшчы заявілі пра «рашучы пратэст» у сувязі з ціскам на ўладальнікаў карты паляка ў Беларусі. У ведамстве заявілі, што «з трывогай назіраюць за палітыкай беларускага рэжыму» ў дачыненні да палякаў, якія жывуць у Беларусі.
![Фота з gopl.by Фота з gopl.by](/img/v1/images/karta_pol.jpg?f=f&h=396&o=0&u=1715395350&w=528)
Фота з gopl.by
«Рэпрэсіі, пераслед і ціск закранаюць не толькі ўладальнікаў карты паляка, але і сябраў Саюза палякаў, польскую адукацыю, польскія мемарыяльныя аб'екты, размешчаныя ў Беларусі», — нагадалі ў МЗС.
Там падкрэслілі, што ўладальнікі карты паляка застаюцца беларускімі грамадзянамі, бо яна не мяняе грамадзянства ўладальніка.
«Рэпрэсіі і абмежаванні, што накладаюцца на ўладальнікаў карты паляка, выклікаюць наш рашучы пратэст, які неаднаразова перадаваўся па дыпламатычных каналах. Дзеянням улад у Мінску няма апраўдання», — заявілі ў польскім МЗС.
У заяве МЗС таксама гаворыцца, што Польшча «ўважліва адсочвае і аналізуе далейшыя выпадкі парушэння правоў чалавека ў Беларусі і прымае ўсе магчымыя меры для мінімізацыі наступстваў антыпольскай кампаніі, якая праводзіцца дыктатарскім беларускім рэжымам».
Глядзіце таксама
![Карта паляка: за яе таксама можна трапіць пад рэпрэсіі «Пагражаюць звальненнем». Супрацоўнікаў дзяржустаноў прымушаюць адмаўляцца ад карты паляка](/img/v1/images/image_54.png?f=c&h=360&o=0&u=1715395350&w=660)
Нагадаем, днямі з'явілася інфармацыя, што беларускія ўладальнікі карт паляка на мяжы сутыкаюцца з ціскам. Паводле звестак праваабаронцаў, калі памежнікі бачаць у пашпарце на польскай візе «мэта выдачы 24», якая паказвае, што віза атрымана на падставе карты паляка, грамадзян адпраўляюць на размову з супрацоўнікамі КДБ. Прадстаўнікі органаў дзяржбяспекі прапануюць добраахвотна адмовіцца ад карты, прама на мяжы напісаўшы адпаведную заяву на імя консула. У выпадку адмовы чалавеку пагражаюць суткамі.
Праваабаронцам вядома як мінімум пра дзясятак такіх выпадкаў.
Дзеянні Польшчы ў адказ на рэпрэсіі Мінска адносна польскай меншасці апошнім часам былі даволі рашучымі. Напрыклад, у адказ на асуджэнне да зняволення аднаго з лідараў польскай меншасці Анджэя Пачобута Польшча закрыла памежны пераход «Баброўнікі — Бераставіца».
У Польшчы ходзяць думкі ўвогуле цалкам закрыць мяжу з Беларуссю.
Глядзіце таксама
![Беларусы атрымалі каля 100 тысяч карт паляка — палову з выдадзеных па ўсім свеце Беларусы атрымалі каля 100 тысяч карт паляка — палову з выдадзеных па ўсім свеце](/img/v1/images/kartapoliaka.jpg?f=c&h=360&o=0&u=1715395350&w=660)