Навіны дня. Жыццё ў паняволенай Беларусі працягваецца: санкцыі, суды, вызваленні, шлюбы ды спатканні за кратамі

Прапануем традыцыйны агляд дня. Чытайце, што здарылася ў Беларусі 16 красавіка.

Суды працягваюць выносіць актывістам прысуды. Удзельніку пратэстаў Юрыю Вальчуку прысудзілі тры гады калоніі за захоўванне патронаў і распаўсюд персанальных даных.

Актывіста Зміцера Дашкевіча перавялі ў СІЗА №1 на Валадарскага.

За кратамі Андрэй Пачобут адзначыў сёння свой чарговы дзень народзінаў. Журналісту 16 красавіка споўнілася 49 гадоў. 

Палітвязень з Брэста Давід Збаранскі ажаніўся. У бабруйскай калоніі пабраліся шлюбам палітвязень Давід Збаранскі і яго дзяўчына Аліна.

Старшыню незалежнага прафсаюза «Нафтан» Вольгу Брыцікаву асудзілі чацвёрты раз запар на суткі.

Паліна Скурко трапіла на спатканне да мужа, Андрэя Скурко, у Магілёў. «Гэта было наша другое з двух дазволеных пасля суду спатканняў. Адбылося не без прыгод, будзе што ўспомніць», — распавяла яна

Затое на волю выйшлі палітвязні Уладзімір Яроменак, Максім Куксачэнка, Ягор Леўчык.

Польшча будзе ўводзіць санкцыі  супраць замежнікаў, якія падтрымліваюць вайну ва Украіне і рэпрэсіі ў Беларусі.

Грошы забяруць? У банках Украіны знайшліся 200 мільярдаў грыўняў кампаній з Расіі і Беларусі. Цяпер гэтыя грошы могуць быць скарыстаныя «ў інтарэсах вядзення баявых дзеянняў ва Украіне».  

Беларусь жа, у адказ на санкцыі, забараніла ўезд аўтамабіляў з ЕС.

У краіне затое працягваюць расці цэны. Найбольш актыўна ў Беларусі ў сакавіку падаражэлі паслугі міжнароднага турызму, легкавыя аўто і тэлетавары. Цэны на турызм выраслі больш чым на 50%!





Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: