Навіны дня. Цішоткі з Z, асвячоныя гаўбіцы з Расіі, лета ў Дамброўцы

Настае ноч — час падводзіць вынікі дня. Традыцыйная рубрыка «НЧ» вашай увазе.

Чацвер, 2 чэрвеня: галоўнае, што адбылося ў краіне, змесцім у кароткі дайджэсце.

Навіны санкцый

Тайвань забараніў экспарт у Расію і Беларусь многіх сучасных мікрасхем.



Таксі «Пятніца» спыняе працу.

ЕС узгадніў шосты пакет санкцый супраць Расіі. У спіс патрапіў беларускі банк, яго адключаць ад SWIFT.

Навіны рэпрэсій

Каб выбіць паказанні, палітзняволеную Вольгу Рытус аблівалі вадой і пагражалі пасадзіць сына.

За БЧБ-майку на балконе ў мінчанкі Алесі Яначкінай арыштавалі маёмасць і ўтрымліваюць 50% ад заробку.

Палітвязня Сяргея Моніча ў калоніі амаль тры месяцы трымаюць у ШІЗА.

Жанчыну, якая напісала антываенны ліст у адміністрацыю Лукашэнкі, пачнуць судзіць 15 чэрвеня.



У Мінску за татуіроўкі пра «рускі ваенны карабель» затрымалі кіроўцу меддапамогі.



У часопісе «Мастацтва» і газеце «Культура» працягваюць «аптымізаваць» супрацоўнікаў.

КДБ скончыў папярэдняе расследаванне справы Фядуты, Кастусёва і Зянковіча.

Дар’я Лосік сустрэлася з мужам, які 707 дзён за кратамі, і распавяла, што «ён раз'юшаны».

Навіны вайны

Старшыня Брэсцкага гарвыканкама папярэдзіў гараджан пра «магчымы шум блізкай кананады».

Расія адправіла ў Беларусь эшалон асвячоных самаходных гаўбіц.



Беларусь перакідвае больш за 50 адзінак ваеннай тэхнікі на мяжу з Украінай.

Беларускія праваахоўнікі распачалі 80 крымінальных спраў з-за крадзяжоў аўтамабіляў беларускіх дальнабойшчыкаў ва Украіне.

Беларускія трэнеры па сучасным пяцібор'і сфатаграфаваліся ў цішотках з літарай Z на Краснай плошчы.

«Беларусбанк» выдае карткі з літарай Z.

І проста напрыканцы. Партызаны сталічнай Дамброўкі сустрэлі лета пратэсным артам з выявай «Пагоні».